TÝRALYQ JASASYN!
Suraq: Eń aldymen bizge ne kerek?
Jaýap: Týralyq!
Suraq: Sosyn?
Jaýap: Ótirik aıtpaý!
Suraq: Sosyn?
Jaýap: Shynshyl bolý!
Suraq: Tek osy ǵana ma?
Jaýap: Iá!
Suraq: Nege olaı deısiz?
Jaýap: Óıtkeni, týralyq bar jerde adaldyq, adaldyq ornaǵan jerde yntymaq, yntymaq qulash jaıǵan jerde birlik, birlik bar jerde jarqyn bolashaq ornaıdy. Al, ótirik bar jerde aramdyq, aramdyq ornaǵan jerde alaýyzdyq, alaýyzdyq qulash jaıǵan jerde eń úlken aýrý senimsizdik pen úmitsizdik ornaıdy. Osy aıǵaq retinde jetpeı me?
Suraq: Keremet. Taǵy da naqtylap jiberesiz ba?
Jaýap: Bizdiń bolmysymyz ımanmen, adaldyqpen jáne yntymaq, birlikpen jalǵasyn tappaq.
- Ókinishke oraı, opasyz saıasat ótirikke qoldaý kórsetýi jáne zymııan propagandalyq jumystary arqyly halyqty aqıqattan alshaqtatýy óz paıdasyn halyqtyń múddesi dep kórsetýinen basqa nárse emes. Opasyz saıasatqa aıtarym, ótiriktiń túbi bir tutam. Erte me, kesh pe - túbinde aqıqat qana kórinedi.
- Eger osylaı jalǵasa berse, qoǵamda ádilet te, senim de, yntymaq ta haosqa aınalady. Ondaı qoǵam tiri óliktiń kúıin keshedi. Sondyqtan, týralyq qana qoǵamdy saqtap qalatyn biden-bir shara.
- Naqtylap keteıin: Iá, sózben aldaý uzaqqa sozylmaıdy. Aqıqat dep oılaǵan qııalı nárselerdiń ómiri qysqa. Halyqtyń oı-pikiri qarqyndy damyp keledi. Sózben aldaý toqtatylyp, aqıqattar naqty kórinetin bolady. Aqıqat ózgermeıdi jáne eshqashan jeńilmeıdi.
P/S Ár zamannyń ózine tán úkimi, talaby bolady emes pa. Bul zaman, bireýdiń paıdasy úshin ótirik aıtýǵa bolady degen ýaqytsha pátýanyń úkimin joıdy. Ony qazirgi ýaqytta berýge bolmaıdy. Sebebi, myna zamanda ol úkimniń zııany júz paıyz bolsa, paıdasy bir-aq paıyz bolýy múmkin. Paıdasynan zııany kóp bolǵandyqtan pátýa mansýh (úkimi joıyldy) boldy. Endeshe, jol ekeý-aq. Ne týralyqty aıtý kerek, ne úndemeý kerek! Olaı bolsa, bar bolmysymyzben týralyq jasasyn deıik!!!
Islamtanýshy, PhD doktory Temýr Amanqul
