TURMYSQA ShYQPAS BURYN ÁR ÁIEL BILÝI TIIS KEŃESTER
-Eshbir er adam minsiz emes. Ár erkektiń jaǵymdy jáne jaǵymsyz jaqtary bolady. Sen jaqsy qasıetterimen ómir súrip, kemshilikterimen kúresip, olardy ózgertýge tyrysýyń kerek.
-Erkekter de ana sekildi meıirimdi. Keı jaǵdaılarda ashýlansa da, dál anań sıqty, olardyń ashýy kóbinese seniń paıdańa bolady.
-Jyldam tyńda, pozıtıvti sóıles. Ol sóılep bitkenshe sózin bólme, daýys kóterme.
-Onyń er azamattyǵyna qarsy shyqpa. Áıeldiń shynaıy qýanyshy — náziktiginde. Eger erkektenip ketseń, bári bitti degen sóz.
-Qatelesken kezde keshirim sura. Keshirim suraı bil. Qattylyq pen qyrsyqtyq erkekti senen alystatady. Bul er adamǵa degen syılastyqtyń joqtyǵyn kórsetedi.
-Ózińe senimdi bol. Shekten tys qyzǵanysh — kúmán týdyrady, kúmán — arazdyqqa aparady. Er adam satqyndyq jasaımyn dese, álemdegi eshbir áıel ony toqtata almaıdy.
-Onyń telefonyna tıme. Erkekter áıeliniń telefonyn qazbalaýyna tóze almaıdy. Telefon — tek oǵan emes, jumysyndaǵy, týystaryndaǵy, qoǵamdaǵy baılanystaryna da tıesili.
-Eshqashan ótirik aıtpa. Ótirik — kez kelgen nekeniń sońy. Shyndyqpen keletin aýyr sóz — ótirikpen keletin ýaqytsha tynyshtyqtan artyq.
-Ol qandaı asty unatady, qandaı kıim kıedi — bárin bil. Onyń talǵamyn túsin. Erkekter — dámdi as daıyndaı biletin áıeldi unatady.
-Úı bıýdjetine birge jaýap ber. Onyń tabysyna qaraı shyǵyndan. Artyq talap qoıyp, ony qaryzǵa batyrma.
-Synaýshy emes, aqylshy ári meıirimdi ana bol.
-Erińe árdaıym qoldaý kórset. Eshqashan qarsy shyqpa.
-Anań — qazyna. Odan úıren, onyń tárbıesi saǵan qajet.
-Kúıeýiń jumystan kelgende árdaıym kúlimde.
-Kúıeýiń — balańnan da mańyzdy. Bul erejeni eshqashan umytpa.
-Ol tańerteń jumysqa keterde sen de oıan. Oǵan óz qolyńmen tańǵy as daıyndap ber.
-Jumystan kelgende qushaqtap, kúlimde. Máselelerińdi keıinirek aıt.
-Ol ashýlanǵanda úndemeı tura tur, sabasyna túskenshe.
-Jatyn bólme — qasıetti oryn. Onyń tazalyǵy men ıisi minsiz bolsyn. Eshkimdi kirgizbe.
-Kıimderiń shashylyp jatpasyn. Árdaıym jınaqy bol.
+Taza júr, árdaıym kútin, ózińe qarap júr. Romantıkalyq bol.
-Onyń týystarymen ózińniń týystaryń sııaqty qarym-qatynas jasa. Sonda ol da seniń otbasyńa qurmetpen qaraıdy.
-Ony anasyn jıi kórýge, qaraýǵa jáne oǵan kómektesýge yntalandyr.
-Ekeýiń birge qonaqqa, toılarǵa jáne meshitke barýdy ádetke aınaldyr.
-Kúıeýińdi basqa erkekpen salystyrma, óz ómirińdi basqa áıelmen salystyrma.
-Ol tyıym salǵan qurbylarmen aralaspa.
Sońynda…
Nekede — aýyrlyq ta, kúlki de, qýanysh ta, qaıǵy da, mahabbat ta, shabyt ta bar. Tańdaý sende.
Sondyqtan oılanyp shesh: daıynsyń ba, joq pa? Sodan soń ǵana turmysqa shyǵýǵa bel baıla.
Py-sy: JI ge qazaqy juptyń sýretin ber desem, myna Malaızııalyq juptyń sýretin beripti… myna jazba, qazaq qoǵamyna emes, Malaı qoǵamyna laıyq dedi aý, sirá!
