"ÚLKENNIŃ ALDYN KESIP ÓTPE", ÚLKENNIŃ SÓZIN BÓLME", t.b.

Qazaq halqynyń úlkendi erekshe syılaýy jazylmaǵan, biraq oryndaýǵa tıis zańy deýge bolady. Muny kez kelgen sanaly ata-ana balasy es bilgennen qulaǵyna quıyp, jetesine jetkizgen eken. Óıtkeni úlken kisi ómir kórgen, tirshiliktiń buralań burylystarynan ótken, urpaq ósirgen.

Onyń jasyna jetkenshe aldynda ne kútip turǵanyn bilmeısiń, kerek bolsa, boljaı almaısyń. Sondyqtan teksizdik tanytyp úlkenniń nazasyna qalǵansha, yqylasyna bólenip alǵys-bata alsań, ózińe sharapaty tıedi.

"Isek qoıdyń basy úlken bolǵanymen - saýlyq qoıdyń jasy úlken", - deýshi edi qarııalar, bul da bir este ustaıtyn mazmundy sóz.

Sózdiń qysqasy, qazaqtyń tárbıe-talǵamynyń úlken bir salasy bolyp tabylatyn tyıym sózder óte kóp. Sonyń bárine jeke kitap arnamasa, bul jerde túgel qamtý múmkin emes. Tek bala kezden sanaǵa quıylyp, zerdege qonaqtap qalǵandaryn, onda da el ishinde jıi aıtylatyn keıbireýlerine ǵana toqtalyp óttim.

Zeınep Ahmetova "Kúretamyr"