ÚIIŃIZGE QONAQ KELGEN KEZDE...
Úıińizge qonaq kelgen kezde, sol úıdegi barlyq ıgilikter men artyqshylyqtardy túgeldeı kórsetýge tyryspańyz.
Qonaq kelgen sátte siz de, jubaıyńyz da ózara resmı ári ustamdy qarym-qatynasta bolyńyzdar. Bir-birińizge degen qurmetti saqtańyzdar, alaıda jaǵdaıdan tys artyq erkelik pen shamadan tys jaqyndyq kórsetýden saq bolǵan jón.
Qonaq kelgende, ony qonaqtarǵa arnalǵan arnaıy orynǵa (qonaq bólmesine) otyrǵyzyp, úıdiń ishki, jeke tirshiligine qatysty jaıttardyń ashylyp ketpeýin qadaǵalańyz.
Qonaqqa qurmet kórsetińiz, biraq bul qurmet otbasynyń ishki isine aralasýǵa nemese otbasylyq máselelerge pikir aıtýǵa jol ashpaýy tıis.
Qonaqtyń óz balalary jaıly aıtqan árbir sózine sene bermeńiz, sol arqyly óz balalaryńyzǵa ashýlanyp, olarmen salystyrý jasap, ádiletsizdikke barýdan saq bolyńyz.
Qonaq kelgende, qolyńyzda bar eń jaqsy dúnıeni usynyńyz, alaıda ony óz múmkindigińizden asyryp, qaryzǵa batyp, áýre-sarsańǵa túspeńiz.
Qonaqtan onyń jubaıymen qarym-qatynasy jaıly suraýdan saq bolyńyz, óıtkeni bul sizdiń de otbasylyq qarym-qatynasyńyzǵa qatysty suraqtardyń qoıylýyna sebep bolýy múmkin.
Úıińizge kelgen qonaqty tańǵaldyrý úshin úıdegi barlyq sán-saltanatty, ásemdikti túgeldeı kórsetip, bar ıgiligińizdi jaıyp salýǵa mindetti emessiz.
Qonaqqa qatysty myna úsh máselede shekteý qoıǵan jón:
1. Jubaıyńyzdyń jeke bólmesine kirýine;
2. Úıdiń ishinde erkin júrip-turýyna;
3. Otbasyńyzǵa berilgen nyǵmetterdi asyra kórsetip kórsetýge (jubaıyńyzben shekten tys úılesim, balalaryńyzdyń aqyldylyǵy, sulýlyǵy, tártibi, jetistikteri men marapattary).
Keı jaǵdaıda otbasyndaǵy berekeniń azaıýy, qarym-qatynastyń álsireýi, túrli turmystyq qıyndyqtardyń týyndaýy — qonaqtarǵa shekten tys ashyq bolyp, otbasynyń jeke ómiri men ıgilikterin orynsyz kórsetý saldarynan da oryn alýy múmkin. Sondyqtan árbir úı ıesi óz otbasynyń tynyshtyǵy men úılesimin saqtaý úshin ólshem men saqtyqty ustanǵany abzal.
