ZEKETI BERILMEGEN MÚLIK

16 mamyr 2024 734 0
Оqý rejımi

Keı adamdar dúnıede zeketi berilmegen múliktiń ahırette azaptaý quraly retinde adamǵa qaıtarylyp beriletinin aıtady. Shynymen de solaı ma, sondaı nárse bola ma?-dep surap jatady.

Bul týraly «Rııad-ýn nasıhın» kitabynda bylaı jazylǵan:

«Hazreti Álıdiń jetkizgeni boıynsha, Rasýlýllah (aleıhıssalam) «Ýáda (qoshtasý) qajylyǵynda» bylaı degen:«Múlikterińniń zeketin berińder! Zeketin bermeıtinderdiń namazy, orazasy, qajylyǵy, jıhady jáne ımany joq ekenin bilińder». Iaǵnı zeket berýdi mindet dep bilmeı, paryz ekenine senbeı, bermegenine qynjylmasa, kúnáǵa batqanyn bilmese, onyń ımany ketedi. Jyldar boıy zeket bermegenderdiń zeket qaryzdary jınalyp, búkil múlkine teńesedi. Zeket berý Quran kárimniń otyz eki jerinde namazben birge buıyrylǵan.

Imam Ǵazalı hazret bylaı deıdi:

«Adamdardyń árqaısysy dúnıede uqyptap saqtaǵan múlkin moınyna asyp alǵan. Túıe zeketin bermegenderdiń moınyna túıe júkteledi. Sıyr, qoı zeketin bermegender de osylaı qınalady. Olardyń jan aıqaıy aspannyń kúrkiregenindeı estiledi. Egin zeketin, ıaǵnı ushyryn bermegenderdiń moınyna sol egini júkteledi. Eger bıdaı bolsa bıdaı, arpa bolsa arpa, ıaǵnı qaı ónim bolsa, sol júktelip, aýyrlyǵynyń astynda «Ýáýáılá, ýásabýra» dep aıqaılaıdy. Altyn, kúmis jáne qaǵaz aqsha jáne t.b. saýda múlkiniń zeketin bermegenderge de qorqynyshty jylan júkteledi, onyń dıirmen tastaryn júktegendeı salmaǵy bar. Olar zarlap aıqaılap «Bul ne?» dep suraıdy. Perishteler olarǵa «Bular – dúnıede zeketin bermegen múlikteriń» deıdi. Osy jaǵdaı «Alı Imran» súresindegi «Dúnıede qımaǵandary qııamet kúni moıyndaryna taǵylady» degen 180-shi aıatymen habarlanǵan».

Zeketin bermegenderge eskertý retinde Quran kárimde «Táýbe» súresiniń 34 aıatynda da habarlaıdy.

 

 

 

 

 

Pіkіrler Kіrý