JEŃILDER JYLDAM KÓTERILEDI

Hazireti Álı bylaı deıdi:

“Adamdar jyldam kóterilgisi keledi. Alaıda, eń jyldam kóteriletin nárseler: shań, tútin, saban jáne qaýyrsyn. Iaǵnı, jeńil nárseler jyldam kóteriledi”

Tasaýýfta da múrıd sáır ýs-sýlýk jolyna túskende, ıaǵnı rýhanı kemeldik saparyna shyqqanda nátıjesin jyldam kórgisi keledi. Bir sátte júreginiń kózi ashylyp, ǵajap dúnıelerge kýáger bolǵysy keledi. Mine, múrıd alǵash osy sezimimen synalady.

Tasaýýfta tabandylyq pen turaqtylyq shart! Bir maqamda qanshama jyldar boıy turǵan sopylar bolǵan. Hajy Abdýllah ál-Ansarı ál-Haraýı “Mánázıl ýs-Saırın” atty eńbeginde maqamdar mártebesiniń birinshi satysyn “Oıaný” maqamynan bastaıdy. Iaǵnı, ǵapyldyqtan oıaný, jalǵandy jalǵan, haqty haq etip kóretindeı oıaný maqamy. Ǵapyldyqtan oıaný da bir sátte bolmaıdy ǵoı. Mirjaqyptardyń ózi “Oıan, Qazaq!” dep halyqqa uran tastaǵanymen, halyq jappaı oıana salǵan ba edi? Halyqty ǵapyldyq uıqysynan oıatý úshin qanshama jyldar boıy kúresip, aqyrynda ózderi qurban boldy.

Bul maqamnan keıin “Táýbá” maqamy keledi. Búginde kúná jasap, táýbe etken soń, sol kúnámyzǵa qaırylmaı, qanshaýymyz tabandap tura aldyq? Ǵaıbattan táýbe etip te, ǵaıbatty birjolata tastap ketkenimiz boldy ma? Mine, táýbe etken kúnálaryńa ekinshi qaırylmaǵanyńda ǵana táýbá maqamynan ótý múmkin bolmaq. Sondyqtan da, jyldam órleý tek jeńilderdiń qasıeti.

Al sopylyq salmaqtylyqty qajet ettiredi. Múrshıdińniń bergen ýazıfalaryn (mindet), ázkaryn (zikirler), ýırdin (tańerteń-keshke oqylatyn aıat-duǵalar) turaqty ádetińe aınaldyra alýyńnyń ózi tabandylyq pen jankeshtilikti kerek ettiredi. Rýhanı ózgeristi bylaı qoıǵanda…

Saltan SAIRANULY

“Tasaýýf tuńǵıyǵynan” telegram paraqshasynan