2025 JYLǴY TÓRALQA MÁJILISI QORYTYNDYLANDY (FOTO)
Búgin QMDB Tóraǵasy, Bas múftı Naýryzbaı qajy Taǵanulynyń jetekshiligimen ótken Tóralqa májilisi qorytyndylandy.
Tóralqa jıyny QMDB-nyń 2025 jyly atqarǵan is-sharalaryn qamtyǵan beınerolıkpen bastalyp, QMDB tóraǵasynyń orynbasary, naıb múftı Kenjetaı Baıkemeluly 2025 jyly júzege asqan «Aıtýly sharalar» jospary boıynsha, al naıb múftı Ermek Muqataı basqarmanyń «Baǵdarlyq baıandama» aıasyndaǵy tapsyrmalary boıynsha eseptik baıandama jasady.
Jıynda Nur-Múbarak Egıpet ıslam mádenıeti ýnıversıtetiniń prorektory Ershat Ońǵar, QMDB janyndaǵy Islam ǵylymı-zertteý ortalyǵynyń dırektory Qydyr Tóráli, sondaı-aq Hýsamýddın ás-Syǵanaqı atyndaǵy ıslam ınstıtýtynyń dırektory Baǵdat Manabaev baıandama jasap, óz salalary boıynsha atqarylǵan jumystarǵa toqtaldy.
Sondaı-aq tórt baǵyt boıynsha jaýapty bólim meńgerýshileri men QMDB janyndaǵy Respýblıkalyq Bas meshittiń ımamy Qanat Qoıanbekuly 2025 jylǵy jumys nátıjeleri týraly esep berdi.
Sonymen qatar, QMDB-nyń qurylǵanyna 35 jyl tolýyna oraı din salasyna súbeli úlesi úshin QMDB janyndaǵy Islam ǵylymı-zertteý ortalyǵynyń dırektory Qydyr Tóráli men Hýsamýddın ás-Syǵanaqı atyndaǵy ıslam ınstıtýtynyń dırektory Baǵdat Manabaev merekelik medalmen marapattaldy.
