ÁBSATTAR QAJY DERBISÁLIGE ARNALǴAN MEMORIALDYQ TAQTA AShYLDY (FOTO)

Búgin Almaty qalasynda kórnekti ǵalym, shyǵystanýshy, kóp jyl Qazaqstan musylmandary dinı basqarmasynyń tóraǵasy qyzmetin atqarǵan marqum Ábsattar qajy Derbisálige arnalǵan memorıaldyq taqtanyń ashylý rásimi ótti.

Igi sharaǵa QMDB Tóraǵasy, Bas múftı Naýryzbaı qajy Taǵanuly, ǵalymnyń kózin kórgen zamandastary, qoǵam qaıratkerleri, otbasy men urpaǵy qatysty.

«Búgin – tarıhı kún. Jaqsynyń aty, ǵalymnyń haty ólmeıdi degen qazaq. Ábsattar qajy Derbisáli dinimizdiń damýyna úles qosýmen birge ómirin ǵylym jolyna arnady. Shyǵystanýshy ǵalym, akademık uzaq jyldar boıy shákirt tárbıeledi. Búginde sol shákirtteri álemniń ár túkpirinde jemisti qyzmet etýde. Ustazǵa budan asqan baqyt bar ma?! Ómiriniń 10 jyldan asa ýaqytyn Qazaqstan musylmandary din basqarmasynyń damýyna arnady. Osy jyldar ishinde Nur-Múbarak ýnıversıteti, qanshama meshitter men medreseler ashyldy. Biz Ábsattar qajy Derbisáli esimin árkez eske alyp otyramyz» dedi Bas múftı.

Ǵalymnyń ózi turǵan úıdiń qabyrǵasyna qoıylǵan taqtanyń ashylýynda belgili qoǵam qaıratkerleri, ǵylym salasyndaǵy áriptesteri, din janashyrlary sóz sóıledi. Sondaı-aq ǵalymnyń jubaıy Rafııa Bákirqyzy marqumdy qurmettep, ıgi iske sebepker bolǵan azamattarǵa aıryqsha alǵysyn jetkizdi.

Источник: Aidos