«ADAL ASTYŃ MAŃYZY» TAQYRYBYNDA SEMINAR ÓTTI (FOTO)

Elordadaǵy «Áziret Sultan» meshitinde  «Adal astyń mańyzy» taqyrybynda semınar ótti.

Semınarǵa «Halal Damý» standarttaý jáne sertıfıkattaý ortalyǵynyń dırektory Aıbek Asqaruly, tehnolog maman Danııar Safıev pen qala bas ımamy Erbolat Nuryldauly jáne meshit jamaǵaty qatysty.

Shara barysynda sharıǵatymyzdaǵy halaldyń orny men mańyzy jóninde túsindirgen Aıbek Asqarbekuly: «Alla Taǵala adamzat balasyna kól-kósir nyǵmetter berip, jer betindegi halal men haram nárselerdiń ara jigin ajyratyp kórsetken. Adal astyń adam rýhyna, densaýlyǵyna, qulshylyǵyna tıgizer yqpaly mol. Duǵamyzdyń qabyl bolýy, denimizdiń saý, urpaǵymyzdyń ulaǵatty bolýy jegen asymyzdyń adal bolýyna tikeleı baılanysty» dep adal astyń salmaǵy men mańyzy jóninde túsindirdi.

Tehnolog maman Danııar Safıev halal ónim óndirý tehnologııasy men standart talaptary, «QMDB Halal» sertıfıkatynyń artyqshylyǵy men ereksheligi, zerthanalyq tekseristiń mańyzdylyǵy, taǵamdyq qospalardyń óndirisi jóninde baıandady. Sonymen qatar, qatysýshylar suraqtaryna jaýap berilip, Erbolat Nuryldauly tushymdy sóz sóılep, tyń aqparattarmen bóliskeni úshin «Halal Damý» uıymyna alǵys bildirdi.

Источник: Aidos