Ál-Azhardyń Bas ımamy «Áziret Sultan» meshitin zııarat etti (FOTO+VIDEO)

10 qazan 2018 1900 0
Оqý rejımi

Keshe Egıpet elindegi áıgili ál-Azhar ýnıversıtetiniń bas ımamy sheıh Ahmad at-Taıeb Astana qalasyndaǵy respýblıkalyq «Áziret Sultan» meshitin zııarat etip shyqty. Mysyr jerinen kelgen mártebeli meımandy QMDB tóraǵasy, Bas múftı Serikbaı qajy Oraz ózi qarsy alyp, alyp qulshylyq ordasymen tanystyryp ótti.

Álemdik jáne dástúrli dinder kóshbasshylarynyń VI sezine kelgen ál-Azhar sheıhy «Áziret sultan» meshitindegidegi Qurannyń kúmis paraqtaryn tamashalap, Elbasymyz tartý etken kóne Quran kitabyna kóz júgirtti. Quptan namazyna dóp kelgen qurmetti ǵalym elimizdiń Bas meshitinde ımamdyqqa shyǵyp, jamaǵatty jaǵymdy daýysyna uıytty.

Jamaǵatpen oqylǵan namazdan soń ál-Azhar sheıhy qazaq eline óz iltıpatyn bildirip, jyly lebizin jetkizdi. Musylman birligi jaıynda, talas-tartystyń zııany týrasynda jamaǵatqa az-kem nasıhat aıtyldy. Kezdesý sońynda qurmetti qonaqqa qazaqy dástúrimizge saı ıyǵyna shapan jabylyp, estelik-syılyq tartý etildi.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý