«ÁL-FARABI»: «RÝHANI JAŃǴYRÝ – IMANNAN BASTALADY» TAQYRYBYNDA SEMINAR ÓTTI (FOTO)
«Ábý Nasyr ál-Farabı» meshitinde ádettegideı jamaǵatqa arnalǵan beısenbilik aq dastarhan jaıylyp, kópshilikke arnalǵan nasıhat keshi ótti.
Bul joly «Ábý Nasyr ál-Farabı» meshitiniń «Jastar isi» sektorynyń uıymdastyrýymen ótkizilgen sharaǵa arnaıy kelgen QMDB Jastar isi sektorynyń meńgerýshisi Kúzekbaı Baǵyjan Erbolatuly jıylǵan jamaǵatqa «Rýhanı jańǵyrý – ımannan bastalady» taqyrybynda kórkem nasıhat aıtty.
Nasıhat barysynda Baǵyjan Erbolatuly el rýhanııatyndaǵy dinniń róli kún sanap artyp keletinin, dástúrli dinı kózqarastyń halyq arasynda keńinen taralyp, musylmanshylyq ustanymdarǵa bet burys jaqsaryp, ımanı jańǵyrý úrdisi bar ekenin atap ótti. Sondaı-aq ol ata-babamyzdyń ustanǵan ımanı qundylyqtary búgingi tańdaǵy ǵalamdyq jahandaný úrdisinde jutylyp ketpeýdiń jáne ulttyq biregeılikti saqtaýdyń bir kórinisi ekenin tilge tıek etti.
Sondaı-aq, «Ábý Nasyr ál-Farabı» meshitiniń naıb ımamy Ǵazız Ahmet «Islamdaǵy jastardyń orny» taqyrybyndaǵy mańyzdy ýaǵyzymen ortaǵa saldy.
Izgi sharanyń sońynda «Áziret Sultan» meshitiniń ustazy Joldas Rahymjan Talǵatuly jıylǵan jamaǵatqa din men dástúr jaıly vıktorınalyq suraqtar qoıyp, durys jaýap bergen kisilerge arnaıy syılyqtar tartý etti.
