Ál-Farabı týraly anımatsııalyq fılm jaryqqa shyqty (FOTO)

15 sáýіr 2019 96 0
Оqý rejımi

«SAQ» kınostýdııasy «Rýhanı jańǵyrý» baǵdarlamasynyń aıasynda sońǵy eki jylda qazaq halqynyń birtýar tulǵalary týraly birneshe anımatsııalyq fılmder daıyndap shyǵardy. Kereı men Jánibekten bastalyp, Qajymuqan, Báıdibek bımen jalǵasqan týyndylardyń qatary jýyrda áıgili ǵulama ál-Farabı týraly tarıhı-anımatsııalyq kartınamen tolyqty.

Túrkistan oblysy ákimdiginiń tapsyrysymen «Ońtústikfılm» KMM-simen birigip daıyndaǵan anımatsııalyq fılmniń ataýy – «Oqsyz oqıǵasy». Fılmde álemge áıgili ǵulama ál-Farabıdiń balalyq shaǵy, bilimge degen alǵashqy qadamy, jańashyldyqqa degen umtylysy sıpattalady. Bilimin el ıgiligine jumsaǵan ǵulamanyń eline degen súıispenshiligi, Otanǵa qyzmet etýdegi qaıratkerligi sýrettelgen. Tarıhı derekterge súıensek, Ál-Farabı qazirgi Otyrar aýdany aýmaǵyndaǵy Oqsyz qalashyǵynda dúnıege kelgen.  Sondyqtan fılmniń aty da «Oqsyz oqıǵasy» dep qoılyǵan.  3D formatta ázirlengen fılmniń uzaqtyǵy – 25 mınýt.  Rejısseri – Nýrıddın Patteev, stsenarıin Baqytjan Quljabaı jazsa, kompozıtory – Áıteke Kóptileý jáne qoıýshy sýretshisi – Samat Nuralıev.

Anımatsııalyq fılmdi túsirýdegi maqsat – jas urpaqty otansúıgishtikke baýlyp, adal ári bilimdi bolýǵa shaqyrý. Uly tulǵalarǵa, tarıhqa degen qurmetti oıatý, – deıdi týyndynyń rejısseri Nýrıddın Patteev.

Onyń sózine súıensek, «SAQ» kınostýdııasy byltyrdyń ózinde oblys ákimdiginiń tikeleı qoldaýymen «Kúsh atasy – Qajymuqan», «Otyrardy qorǵaý», «Kıeli Qazyǵurt» anımatsııalyq fılmderin jáne «Kóne jetigenniń syry» atty 10 serııaly telehıkaıa men «Uly Jibek Joly boıyndaǵy kóne qalalar» derekti fılmin, «Ordabasy – birliktiń týy» fılmderin jurtshylyqqa usyndy.  Jaqynda «Túrkistan» anımatsııalyq fılmi men «Tóle bı» atty 10 serııaly kınohıkaıa da kórermenge jol tartady.

Pіkіrler Kіrý