«AL-FATTAH»: MEKTEPKE BARATYN BALALARǴA MEShIT TARAPYNAN QAMQORLYQ JASALDY (FOTO)
Astana qalasyndaǵy «Al-Fattah» meshitinde «Mektepke jol» qaıyrymdylyq sharasy uıymdastyrylyp, 102 oqýshyǵa sómkeler men oqý quraldary tabystaldy.
Igi is-shara barysynda kóp balaly jáne muqtaj otbasylardyń balalary mektepke qajetti jabdyqtarmen qamtylyp, jańa oqý jylyna úlken demeý boldy. Bul qoldaý balalarǵa qýanysh syılap, meshit ujymy ata-analardyń alǵysyna bólendi.
Aıta keteıik, jyl saıyn QMDB tóraǵasy, Bas múftı Naýryzbaı qajy Taǵanulynyń bastamasymen respýblıka boıynsha barlyq meshitterde dástúrli «Mektepke jol» qaıyrymdylyq aktsııasy ótkizilip keledi. Onyń maqsaty – áleýmettik jaǵdaıy tómen, kóp balaly otbasylar men jetim balalarǵa jańa oqý jylyna daıyndyq kezeńinde qoldaý kórsetý jáne mektepke barýyna kedergi bolatyn jaǵdaılardyń aldyn alý.
