«AL-FATTAH» MEShITINDE ATALAR MEKTEBI SEMINARY ÓTTI (FOTO)
«Al-Fattah» meshitinde din men dástúr aıasynda «Atalar mektebi» klýbynyń semınary ótti. Is-sharaǵa aqsaqaldar, meshit jamaǵaty jáne jastar qatysty.
Jıyn barysynda ulttyq salt-dástúr men dinı qundylyqtardyń sabaqtastyǵy sóz boldy. Aqsaqaldar jastarǵa ata-baba jolyn qurmetteý, úlkenge izet, kishige qamqor bolý jóninde keńes aıtty. Sonymen qatar, qazaqtyń turmys-salty men tárbıelik máni joǵary ádet-ǵuryptarynyń búgingi kúndegi mańyzy talqylandy.
Jıynda din men dástúrdiń ózara baılanysy, ulttyq tárbıe men rýhanı qundylyqtardy saqtaý joldary dáripteldi. «Atalar mektebiniń» negizgi maqsaty – jas býynǵa ónege qaldyrý, ulttyq bolmysty nasıhattaý jáne ımandylyqqa tárbıeleý.
