ALǴASh RET «QMDB EXPO-2026» HALYQARALYQ KÓRMESI UIYMDASTYRYLADY
Almaty qalasynda alǵash ret halyqaralyq deńgeıde Qazaqstan musylmandary dinı basqarmasynyń bólimderi men mekemeleriniń qyzmetteri men ónimderin tanystyratyn «QMDB EXPO-2026» sharasy uıymdastyrylmaq. Bul týraly Bas múftı Naýryzbaı qajy Taǵanuly 2026 jylǵa arnalǵan Baǵdarlyq baıandamasynda málimdedi.
«Qazaqstan musylmandary dinı basqarmasynyń birqatar bólimderi jáne mekemeleriniń qyzmeti men ónimderin kórsetetin «QMDB EXPO-2026» is-sharasyn ótkizemiz. Bul Dinı basqarma qyzmetin zamanaýı talaptarǵa beıimdep, rýhanı salany jańa sapalyq deńgeıge kóterýge baǵyttalǵan mańyzdy qadam bolmaq. Atalǵan kórme baspa jáne baspasóz, ýaqyp salasyndaǵy ónimderimizdi tanystyratyn alańǵa aınalady. Zeket, halal, qajylyq, tsıfrlyq damý baǵyty boıynsha qyzmetterimizdi halyqqa usynamyz. «QMDB EXPO-2026» rýhanı saladaǵy jańashyldyq pen turaqty damýdyń jarqyn úlgisi, múftııat pen qoǵam arasynda altyn kópir bolady dep senemin»,- dedi Bas múftı.
