«Allanyń kórkem esimderi» atty bilim saıysy ótti (FOTO)

Búgin «Nur Astana» meshitinde «Allanyń kórkem esimderi» atty bilim saıysy ótti. Jyl boıy jalǵasyp kele jatqan dinı saýat ashý kýrsynda meshit jamaǵaty tek Quran álipbıin ǵana emes, sonymen birge asyl dinimizdiń,  jalpy dinı tanymnyń negizderin de tolyqtaı qamtıdy.  

Meshit ustazy Qarlyǵash Qajymálikqyzy búgin áıel jamaǵatynyń arasynda «Allanyń kórkem esimderi» atty bilim saıysyn ótkizdi. Ardaqty Paıǵambarymyz (s.ǵ.s.) aıtqandaı: «Kimde-kim bilim izdený jolyna tússe, Alla oǵan jánnatqa aparar joldy jeńildetedi...», sondaı-aq Imam ál-Buharı Allanyń 99 esimin jattaǵan adamnyń jánnattyq bolary jóninde aıtylǵan hadısti keltiredi.

Alla Elshisiniń (s.ǵ.s.) tálimin ónege tutqan shákirtter bir kisideı saıysqa qatysty. Jarysqa qatysýshylar «Kim jyldam», «Suraq-jaýap», «Sýretter sóıleıdi» degen  úsh aınalym boıynsha synnan ótti. Saıystyń maqsaty dinı saýat ashý kýrsyna turaqty kelip júrgen shákirtterdiń bilimin baǵalaý jáne odan ári yntalandyra túsý.