Almaty qalasy boıynsha Quran jarysynyń irikteý saıysy óz máresine jetti (FOTO)

15 sáýіr 2019 136 0
Оqý rejımi

Búgin, QMDB-nyń Almaty  qalasy ókildigi uıymdastyrýymen, Quran Kárimdi jatqa jáne mánerlep oqý boıynsha VIII respýblıkalyq Quran jarysynyń Almaty qalasy boıynsha irikteý saıysy «Baıken» meshitinde óz máresine jetti.

Saıys, jarys talaptaryna saı, Quran Kárimniń 30 parasyn, 20 parasyn, 10 parasyn jatqa oqý jáne mánerlep oqý sekildi 4 nomınatsııa boıynsha uıymdastyryldy. «Baıken» meshitiniń naıb ımamy, qarı Joldas Jetpisbaevtyń áýezdi Quran oqýymen bastalǵan jarysty «Orbıta-3» meshitiniń naıb ımamy Ernar Májen júrgizip otyrdy.

Jarystyń shymyldyǵyn ashyp berý úshin sóz kezegi, eń aldymen, QMDB-nyń Almaty qalasy boıynsha ókil ımamy Erkinbek qarı Kerimbekulyna berildi. Ókil ımam Qurannyń qadir-qasıeti men búgingi uıymdastyrylyp otyrǵan Quran jarysynyń mán-mańyzyna toqtalyp ótti. Sondaı-aq jarysqa qatysýshy Almaty qalasynyń qarılaryna sáttilik tiledi.

Dodaly jarysqa Almaty qalasy boıynsha 68 úmitker qatysty. Atap aıtqanda, Quran Kárimdi jatqa oqý boıynsha 30 paraǵa – 6 úmitker, 20 paraǵa – 6 úmitker, 10 paraǵa – 27 úmitker, al mánerlep oqý boıynsha – 29 úmitker ózara baq synady.

Quran jarysynyń irikteý saıysyna tórelik etkender – QMDB-nyń Almaty qalasy boıynsha ókil ımamy Erkinbek qarı Kerimbekuly, «Baıken» meshitiniń bas ımamy Danııar qarı Jumabaev, Almaty qalasy Ortalyq meshitiniń naıb ımamy Ersin Ámire, Almaty qalasy Ortalyq meshitiniń azanshysy, Serik qarı Polathanuly jáne Qaraǵaıly meshitiniń bas ımamy Bahtııar qarı Qydyrbekuly boldy. 

Tartysty ótken básekede 4 nomınatsııa boıynsha júldeli oryndarǵa ıe bolǵan qarılarymyz Umra qajylyǵy men qomaqty qarjylaı syılyqtarmen marapattaldy. Sondaı-aq, jarysqa qatysqany úshin basqa qarılarymyzǵa da tartý-taralǵylar jasaldy.

Quran Kárimniń 30 parasyn jatqa oqý boıynsha
I oryn – Qartabaev Salamat (Umra qajylyǵy)
II oryn – Qurmet Nurmuhambetuly (150 000)
III oryn – Abdýlqodyr Ǵalymuly (120 000)

Quran Kárimniń 20 parasyn jatqa oqý boıynsha
I oryn – Abıshev Qýanysh (120 000)

Quran Kárimniń 10 parasyn jatqa oqý boıynsha
I oryn – Abjappar Mahmýt (75 000)
II oryn – Iýrov Ismaıl (50 000)
III oryn – Seıdýlla Alı (35 000)

Quran Kárimdi mánerlep oqý boıynsha
I oryn – Bazarqan Qaınar (50 000)
II oryn – Ismaılov Mýhamadalı (35 000)
III oryn – Rafıqtegi Farýq (20 000)

Joǵarydaǵy 4 nomınaııa boıynsha júldeli I oryn ıegerleri 2019 jyldyń 26-27-28 sáýir kúnderi Almaty qalasynda ótetin Quran Kárimdi jatqa jáne mánerlep oqý boıynsha VIII respýblıkalyq Quran jarysyna joldama aldy.

Pіkіrler Kіrý