ALMATYDA «OTBASY – ULT TIREGI» RESPÝBLIKALYQ KONFERENTsIIaSY ÓTTI

QMDB Áıel-qyzdar sektory Almaty qalalyq ókildiginiń uıymdastyrýymen «Otbasy – ult tiregi» taqyrybynda áıel jamaǵatyna arnalǵan respýblıkalyq tanymdyq konferentsııasy ótti. 

Konferentsııa ashylýynda Almaty qalasynyń bas ımamy Tólebı Dádiluly sóz sóılep, ult tárbıeshileri áıel qaýymyna aqjarma ıgi tilegin arnady. Respýblıkalyq tanymdyq konferentsııaǵa QMDB Áıel-qyzdar sektorynyń meńgerýshisi Dınara Qutqojaqyzy jáne sektordyń óńirlerdegi jaýapty mamandary, Almaty qalasynyń áıel ustazdary qatysty. 

Áıel-qyzdar sektorynyń meńgerýshisi Dınara Qutqojaqyzy «Dinimizdegi otbasy qundylyǵy» taqyrybynda baıandama jasady. Respýblıkalyq bas meshit ustazy Qarlyǵash Málikqyzy men sektordyń Almaty qalasyndaǵy jaýapty mamany Gúlmıra Ilesbaıqyzy, taǵy basqa ustazdar otbasy taqyrybynda baıandamalar oqyp, suraq-jaýaptar almasty.

Ulttyq qundylyqtardy qalyptastyrýdyń jáne sol qundylyqty tárbıe arqyly tasymaldaýdyń qaınar bulaǵy bolatyn otbasy, búginniń basty ári mańyzdy taqyryp ekeni aıtyldy.