Almatyda VIII respýblıkalyq QURAN jarysy ótedi

QMDB-nyń uıymdastyrýymen 2019 jyldyń 26-27 sáýir kúnderi Quran Kárimdi jatqa jáne mánerlep oqý boıynsha VIII respýblıkalyq Quran baıqaýy Almaty qalasy Ortalyq meshitinde, al jarys jeńimpazdaryn saltanatty túrde marapattaý keshi 28 sáýir kúni saǵat 10:00-de Alataý dástúrli óner teatrynda mádenı baǵdarlamamen ótedi. Jarys 26-sáýir kúni juma namazynan keıin bastalady. 

Respýblıkalyq jarysqa Nur-Sultan, Almaty, Shymkent qalalary men oblystarda ótken Quran baıqaýynyń Irikteý saıystarynda top jarǵan 69 qarıymyz qatysady. Olar Quran Kárimniń 30 parasyn, 20 parasyn, 10 parasyn jatqa oqý jáne mánerlep oqý sekildi 4 nomınatsııa boıynsha ózara baq synaıdy.      

Jarysta qarılardyń Qurandy jatqa aıtýy men tájýıdpen (qaǵıdalarymen) kórkem oqýyna basa mán beriledi.

26-27 sáýir kúnderi Almaty qalasy Ortalyq meshitinde Quran baıqaýynda synaqtan súrinbeı, ózin jaqsy qyrynan kórsetken, sóıtip júldeli oryndarǵa ıe bolǵan jeńimpaz qarılarymyzǵa avtokólik pen qarjylaı syılyqtar tabystalyp, arnaıy sertıfıkattar beriledi.  

Ótetin ýaqyty: 26-28 sáýir kúnderi
Ótetin orny: Almaty qalasy, Medeý aýdany, Pýshkın kóshesi – 16.

+7 778 332 59 31, aom-baspasoz@mail.ru   

​