«ÁLJAN ANA» MEShITINIŃ JAMAǴATY MÁÝLIT AIYNA ORAI BAS QOSTY (FOTO)

QMDB Astana qalasy ókildigine qarasty «Áljan Ana» meshitiniń jamaǵatyna ýaǵyz dastarhany jaıylyp, qulshylyq úıiniń bas ımamy, ATT nasıhat tobynyń múshesi Muratbek Qystaýbaev jamaǵatqa Máýlit aıynyń qadir-qasıeti jaıynda ýaǵyz-nasıhat jasady.

Paıǵambarymyzdyń ﷺ ónegeli ómirinen syr shertilip, jamaǵattyń aýyzbirshiligi, qoǵam tutastyǵy men tynyshtyǵy, urpaq tárıbesi syndy jan-jaqty ári ózekti taqyryptar ýaǵyz keshiniń arqaýyna aınaldy.

Jánnat baqshalarynan bolǵan berekeli jıynnan mol rýhanı azyq alǵan jamaǵat artynsha kókeılerinde júrgen dinı máselelerge qatysty suraqtaryn joldap, oǵan tushymdy jaýaptar aldy.