«AQ MESHIT» MEShITINDE MUQTAJ OTBASYLARǴA ET TARATYLDY (FOTO)
Astana qalasyndaǵy «AQ MESHIT» meshitiniń jamaǵaty qasıetti Erejep pen Shaǵban aılarynyń qurmetine oraı qaıyrymdylyq sharasyn uıymdastyrdy. Izgi bastama aıasynda Paıǵambarymyz Muhammedtiń (Allanyń ıgiligi men sálemi bolsyn) atynan eki iri qara mal shalyndy.
Saýapty iske «AQ MESHIT» meshitiniń bas ımamy Dáýren Mýslımov muryndyq bolyp, jamaǵatty ıgi iske jumyldyrdy. Soıylǵan mal etteri áleýmettik jaǵdaıy tómen, kópbalaly jáne muqtaj 56 otbasyǵa taratyldy.
Islam dininde qaıyrymdylyq jasaý men muqtaj jandarǵa qol ushyn berý – úlken saýapty amaldardyń biri. Bul jóninde Paıǵambarymyz Muhammed (Allanyń ıgiligi men sálemi bolsyn): «Adamdardyń eń qaıyrlysy – adamdarǵa paıdasy tıgeni», – dep ósıet etken.
Aıta keteıik, «AQ MESHIT» meshiti buǵan deıin de áleýmettik qoldaýǵa muqtaj otbasylarǵa kómek kórsetip, rýhanı-tanymdyq jáne qaıyrymdylyq baǵytyndaǵy is-sharalardy júıeli túrde uıymdastyryp keledi.
Источник: Aisha
