«Aq Meshit» meshitiniń jastary arasynda fýtbol saıysy ótti

«Aq Meshit» meshitiniń Jastar isi sektorynyń uıymdastyrýymen salaýatty ómir saltyn nasıhattaý maqsatynda meshit jastary arasynda fýtbol oıyny ótkizildi.

Igi is-sharany meshittiń Jastar isine jaýapty mamany Ońǵar Haırıdınov úılestirip, qatysýshylardyń belsendi túrde atsalysýyna múmkindik jasady.

Atalǵan sporttyq is-sharanyń negizgi maqsaty – jastardyń bos ýaqytyn tıimdi uıymdastyrý, birlik pen baýyrmaldyqty arttyrý. Jarys barysynda qatysýshylar ózara tatýlyq pen dostyq qarym-qatynasty kórsete otyryp, shynaıy sporttyq rýhta baq synasty.

Deni saýdyń – jany saý demekshi, bul – musylman jastaryn jan-jaqty damýǵa, densaýlyqty kútýge jáne belsendi ómir saltyn ustanýǵa úndeıtin is-shara boldy.