Aqtóbelik jastar muqtaj otbasylardyń úıine gaz kirgizip berdi

11 aqpan 2019 964 0
Оqý rejımi

Aqtóbe oblysy Embi qalasynyń jastary «Jaıdarman» oıynyn ótkizip, muqtaj otbasylardyń úıine gaz kirgizip berdi.

Embi qalasy kógildir otyndy paıdalanyp otyr. Biraq áleýmettik jaǵdaıy tómen otbasylar úshin aýlasyna kirip turǵan gaz qubyryn úıine tartyp alý qıyn bolyp tur. Embi qalasynyń jastary jınalyp, ázil keshin ótkizdi. Al túsken qarjy úsh otbasyna jylý syılady.  

Ақтөбелік жастар қыста тоңып отырған мұқтаж отбасылардың үйіне газ кіргізіп берді

«Ahmet Baıtursynovtyń «El búginshil, meniki erteńgi kún» óleń shýmaǵy «Jas Otan» jastar qanatyndaǵy belsendileriniń uranyna aınaldy. Ózim el ishindegi tyń bastamalardy qoldap, únemi qoǵamdyq isterge aralasyp júrmin. Shaǵyn kásibim bar, óz janyma aýyl jastaryn da tarttym. Bul joly muqtaj otbasylarǵa kómek kórsetip, balalarǵa jylý syılaýdy jón kórdim. Sóıtip jastardy jıyp, «Jaıdarman» oıynyn ótkizdik. Kolledj stýdentteri men oqýshylar, ár saladaǵy jastar komanda quryp, saıysty. Aýyl halqyna erekshe kóńil kúı syılap, keıin bıletten túsken qarjyǵa úsh otbasyna gaz qubyry kirgizildi. Biz áleýmettik jaǵdaıy aýyr, kópbalaly otbasylarǵa basymdyq berdik», - dedi jastardyń ıgi isine bastamashy bolǵan qala turǵyny Naýryzbek Sarbasov.    

Ақтөбелік жастар қыста тоңып отырған мұқтаж отбасылардың үйіне газ кіргізіп берді

Aıta keteıik, kómek Embi, Jem qalalarynyń úsh otbasyna berildi. Olar balalaryn ózi baǵyp otyrǵan Aıym Álqýatova, «Kúmis alqa» ıegeri Dınara Balǵazına jáne Sán Mahambetova.  «Meniń 6 balam bar. Óz úıimizdi qysta jylytý múmkin bolmaǵan soń 15 myń teńgege páter jaldap turamyz. Kommýnaldyq qyzmetke 10 myń teńge beremin. Al jazda óz úıimizge qaıta oralamyz. Bul shyǵyn bolsa da biz bir mezette qomaqty aqsha jumsap, gaz kirgize almadyq. Jastar qoldaý kórsetip, qysy-jazy óz úıimizde turýǵa múmkindik berdi. Balalarym, ózim de qýanyshtymyz», - dedi «Kúmis alqa» ıegeri 34 jastaǵy Dınara Balǵazına.

Ақтөбелік жастар қыста тоңып отырған мұқтаж отбасылардың үйіне газ кіргізіп берді

Pіkіrler Kіrý