Arman Qýanyshbaev «Áziret Sultan» meshitinde juma ýaǵyzyn aıtty (FOTO)

Nur-Sultan qalasyna arnaıy issaparmen kelgen RANT múshesi, belgili ýaǵyzshy Arman Qýanyshbaev búgin respýblıkalyq «Áziret Sultan» meshitinde juma ýaǵyzyn aıtty. Elimizdiń Bas meshitinde ádette juma kúnderi 15 000-nan astam jamaǵat jıylyp, orasan qulshylyq ordasy ishinen oryn tabylmaı jatatyn. Alaıda, búgingi juma namazyna jıylǵan jamaǵattyń qatary ádettegiden de asyp túskendeı.

Meshit minberine kóterilgen Araman Qýanyshbaev QMDB tarapynan bekitilgen jospar boıynsha jamaǵatqa «Ýaqyttyń qadiri» taqyrybynda oı tolǵap, ǵıbratty ýaǵyz aıtty. Quran aıattary men Paıǵambar (s.ǵ.s.) hadısterinen mysal keltire otyryp, uly nyǵmet – ýaqytty baǵalaı bilýge shaqyrǵan ǵalym ýaǵyzy jamaǵat júregine jol tapty. Sanaly adam úshin ómirdiń árbir sáti qadirli bolýy tıis ekenin taǵylymmen túsindirip, altynnan qymbat ýaqytty aldamshy dúnıege aıyrbastamaýǵa úndedi.

Aıta keteıik, belgili ǵalym búgin ekinti namazynan soń «Nur-Astana» meshitinde kezdesý ótkizetin bolady.

Sýretterdi «FOTOGALEREIa» aıdarynan kóre alasyzdar!