Astana – beıbit kelissóz ben álemdik dinder dıalogy alańy

02 shіlde 2018 7540 0
Оqý rejımi

Astana qalasynyń 20 jyldyǵyn merekeleý qarsańynda Din isteri komıtetiniń tóraǵasy Erkin Ońǵarbaevtyń tóraǵalyǵymen dinı birlestikter ókilderi «Astana – beıbitshilik pen kelisimniń rýhanı ortalyǵy» taqyrybynda kezdesý ótkizdi. Is-sharaǵa elimizdegi dinı birlestikterdiń jetekshileri, Ulttyq muraǵat pen Mádenıetter men dinderdiń halyqaralyq ortalyǵynyń ókilderi qatysty.

«Bıyl Astananyń elorda mártebesin alǵanyna 20 jyl tolyp otyr. Bul mereke áleýmettik-saıası mańyzǵa ıe jáne shyn máninde Qazaqstan halqy úshin jalpyhalyqtyq bolyp tabylady. Astana – memleketimizdiń ulttyq zamanaýı brendine aınaldy» deı kele komıtet tóraǵasy elordanyń jetistikterin  baıandady.

Al «Nur Astana» ortalyq meshitiniń bas ımamy Asqar Muqanov óz sózinde «Qazaqstandaǵy beıbitshilik pen kelisimdi qamtamasyz etý tájirıbesi, sondaı-aq elimizdiń jáne onyń Prezıdentiniń halyqaralyq bedeli Astanada mádenıetter men álemdik dinder dıalogyn uıymdastyrýǵa múmkindik berdi. Astana – beıbitshilik pen kelisimniń toǵysqan jeri jáne beıbit kelissózder men álemdik dinder dıalogy alańy» ekenin aıtty.

Dinı birlestik ókilderi de elorda týraly jyly lebiz bildirýdi umytpady. Astana kıeli okrýginiń ókili Dmıtrıı Baıdek Qazaqstan halqyn quttyqtaı otyryp, bıyl kúzde Álemdik jáne dástúrli dinder jetekshileri Astananyń rýhanı sammıtinde altynshy ret kezdesetinin málimdedi. Kezdesý qorytyndysy boıynsha dinı birlestik ókilderi Qazaqstan halqyn Astana kúnimen quttyqtap, ystyq yqylastaryn bildirdi.

«Bárimizdi ortaq úıimiz – Qazaqstanǵa degen ortaq súıispenshilik, memleketimizdiń jáne onyń azamattarynyń búgini men kemel keleshegine degen senim biriktiredi. Astana qalasynyń 20 jyldyǵyn merekeleý qarsańynda, biz – Qazaqstan Respýblıkasynyń dinı birlestikteriniń ókilderi, kópultty jáne kópkonfessııaly memleketimizdiń halqyna el-jurtymyz aman, denimiz saý, baqytymyz baıandy bolsyn degen izgi tilekterimizdi yqylaspen joldaımyz!» delingen quttyqtaýda.

aikyn.kz

Pіkіrler Kіrý