ASTANA IMAMDARYNA KIBERSPORTPEN ShUǴYLDANÝDYŃ ÚKIMI TÚSINDIRILDI (FOTO)
Astana qalasy ókildiginiń din qyzmetkerlerimen ádettegi úrdis boıynsha QMDB Ǵulamalar keńesinde qabyldanǵan pátýalar tanystyryldy.
Qala Bas ımamy Erbolat Júsipovtiń qatysýymen ótken alqaly jıynda «Áziret Sultan» meshitiniń naıb ımamy Sharıǵat jáne pátýa bóliminiń Astana qalasy ókildigi boıynsha jaýapty mamany Tamırlan Darhanuly kıbersportpen shuǵyldanýdyń úkimin tanystyrdy.
Kıbersport (aǵylsh. cybersport, «kompıýterlik sport» nemese «Elektrondy sport» dep te atalady) – bul vıdeo oıyndarǵa negizdelgen komandalyq nemese jeke jarys. Kıbersport oınaǵan jaǵdaıda mynadaı sharttar saqtalýy tıis: kıbersport qulshylyqqa, ómirlik qajettilikke (bilim alýyna, eńbek etýine, otbasylyq mindetterine) kedergi keltirmese, psıhıka men bolmysqa zııan tıgizbese, qumar t.b. sharıǵatqa qaıshy Elementterdi qamtymasa – ruqsat etiledi; júldeli kıbersportta utysty demeýshi ne basqa bir tarap qoıýy tıis; qatysýshylar aqsha tigip, jeńgeni júlde alsa, ol qumarǵa jatady, al sharıǵatta qumar oıyndarǵa tyıym salynady; oıyn azǵyndyqqa, moraldyq qundylyqtardan alystatýǵa ıtermelemeýi jáne balaǵat, boǵaýyz sózden aýlaq bolýy kerek.
