ASTANA MEDRESE-KOLLEDJINDE «JÚREKKE JETKEN SÓZ – JANǴA DAÝA» SEMINARY ÓTTI (FOTO)

Astana qalasynyń Bas ımamy Erbolat Júsipovtiń tapsyrmasymen Astana medrese-kolledjiniń stýdentterine «Júrekke jetken sóz – janǵa daýa» taqyrybynda semınar ótti.

«Áziret Sultan» meshitiniń ustazy, «Ihsan jáne nasıhat» baǵytyna jaýapty maman Shalqar Joldy atalmysh taqyryp aıasynda stýdentterge taǵylymdy ýaǵyz-nasıhat aıtyp, júrek tárbıesiniń mańyzdylyǵyna keńinen toqtaldy.

Semınar barysynda jastardyń dinı bilimmen qatar kórkem minezdi, parasatty tulǵa bolyp qalyptasýy — ýaqyt talaby ekeni aıtyldy. Ustaz júrek tazalyǵy men nıet durystyǵy árbir istiń berekesin arttyratynyn jetkizip, bilim alýda tabandylyq pen ustazǵa qurmettiń orny erekshe ekenin tilge tıek etti.

Stýdentter ózderin tolǵandyrǵan saýaldaryn qoıyp, mazmundy jaýaptar aldy.