ASTANA MEShITTERINDE QAJYLYQ SEMINARLARY ÓTKIZILIP KELEDI (FOTO)

Bas múftı Naýryzbaı qajy Taǵanulynyń baǵdarlyq baıandamasy negizinde «Imam – izgi qoǵam jarshysy» V Respýblıkalyq ımamdar forýmynda qabyldanǵan qujattar tiziminde «Qajynyń rýhanı kelbeti» tuǵyrnamalyq qujaty bolǵan edi. Qajylarmen árdaıym tyǵyz baılanysta bolyp, olarmen nátıjeli jumys isteý úshin bul qujat mańyzdy oryn alady. 

Osyǵan oraı «Qajynyń rýhanı kelbeti» tuǵyrnamalyq qujatyn nasıhattaý maqsatynda elorda meshitterinde jamaǵatqa qajylyq pen ýmra rásimderi týraly ýaǵyz aıtylyp, tuǵyrnamalyq qujat udaıy tanystyrylyp keledi.

Qujattyń negizgi maqsaty - bes paryzdyń biri qajylyq qulshylyǵyn ótep kelgen otandastarymyzdy qoǵamda kórkem minezimen, ónegeli isterimen úlgi kórsetýge jáne qajy degen qurmetke laıyqty bolýǵa shaqyrý.