ASTANA ÓKILDIGINIŃ DIN QYZMETKERI «ÚZDIK IMAM» SAIYSYNYŃ JEŃIMPAZY ATANDY
Astana qalasyndaǵy «Áziret Sultan» meshitinde Qazaqstan musylmandary dinı basqarmasynyń uıymdastyrýymen ótken II respýblıkalyq «Úzdik ımam» ıntellektýaldy bilim saıysynyń saltanatty marapattaý rásimi ótti.
Bıylǵy bilim dodasynda Astana qalasynyń ımamy Orazov Ádilhan Álıhanuly úzdik nátıje kórsetip, I orynǵa ıe boldy. Ol elordadaǵy «Nursultan» meshitiniń naıb ımamy qyzmetin atqarady.
Bas júlde ıegerine 500 myń teńge kóleminde aqshalaı syılyq tabystaldy.
Marapattaý rásimine arnaıy qatysqan QMDB Tóraǵasy, Bas múftı Naýryzbaı qajy Taǵanuly saıystyń mańyzdylyǵyna toqtalyp, bilim dodasyna qatysqan barsha ımamdarǵa rızashylyǵyn bildirdi.
«Astana tórinde «Áziret Sultan» meshitinde bastalǵan «Úzdik ımam» II respýblıkalyq ıntellektýaldy bilim saıysynyń qorytyndy kezeńine de kelip jettik. Eń aldymen, saıysqa qatysqan barsha ımamdarǵa taǵy da rııasyz nıetpen rızashylyǵymdy bildiremin. Alla razy bolsyn!
Sizder bul dodaǵa tek jeńis úshin emes, bilimderińizdi shyńdaý, tájirıbe almasý, kásibı deńgeılerińizdi kóterý maqsatynda keldińizder dep oılaımyn. Sondyqtan búgingi jarystyń árbir qatysýshysy jeńimpaz atandy. Sebebi bilim jolyna qadam basý rýhanı jetilý jolyndaǵy mańyzdy baspaldaq sanalady», – dedi Bas múftı.
Aıta keteıik, II respýblıkalyq «Úzdik ımam» ıntellektýaldy bilim saıysynda II oryn Qyzylorda oblysy Qazaly aýdandyq ortalyq «Janqoja batyr» meshitiniń bas ımamy Nábı Nurdaýlet Asqarulyna, al III oryn Mańǵystaý oblysy Jańaózen qalasy Teńge aýdandyq «Qosaı ata» meshitiniń naıb ımamy Saıdolla Qýanysh Abdýrrahımulyna buıyrdy.
Saıys qorytyndysy boıynsha II oryn ıegerine 400 myń teńge, III oryn ıegerine 300 myń teńge syıaqy berildi. Al júldegerler qataryna enbegen qatysýshylardyń árqaısysyna 50 myń teńgeden yntalandyrý syıaqysy tabystaldy.
