ASTANA QALASY IMAMDARYNYŃ JYLDYQ ESEBI TYŃDALDY (FOTO)
Astana qalasynyń Bas ımamy Erbolat Nuryldaulynyń qatysýymen elorda meshitteriniń jyldyq esebi tyńdaldy.
Jıyn qasıetti Quran aıattaryn oqýmen bastalyp, Bas ımam 2025 jyldyń mańyzdy jaıttaryna toqtaldy. Keıin «Áziret Sultan» meshitiniń naıb ımamy Jumanazar Sadyrhanov osy jyly atqarylǵan negizgi jumystardy baıandady. Onyń ishinde QMDB bekitken «Islam jáne otbasy qundylyǵy» jylyna oraı elorda meshitterindegi jumystar, odan bólek ókildiktiń óz jospary, sonymen qatar bekitilgen birqatar mańyzdy is-sharalardyń oryndalý barysy sóz boldy.
Esepti jıyn aıasynda Bas ımam elordadaǵy meshit ımamdarynyń atqarǵan jumysy men usynystaryn tyńdap, jumysty jaqsartý maqsatynda keler jylǵa josparǵa engizýdi tapsyrdy.
Atap aıtar bolsaq eń negizgi usynystar meshit tazalyǵy, jamaǵatqa jaǵdaı jasaý, tozyǵy jetken kilemderdi aýystyrý, meshit aýlasyn jóndeý, sý, jylý syndy negizgi qajettilikterdiń bolýyn qala bas ımamy basa aıtty.
Odan bólek qala meshitterinde ustazdardyń qatysýymen ótetin dáristerdiń júıeli ótýi, beınesabaqtardyń jalǵasýy, qaıyrymdylyq baǵyty, kele jatqan Ramazan aıyna daıyndyq barysy da osy jıynda sóz boldy.
Jyldyq esep tolyq talqylanǵan soń Bas ımam meshitterdegi kadr máselesine mán berip, ımamdarǵa birqatar naqty tapsyrma júktedi.
Sýretterdi «FOTOGALEREIa» aıdarynan kóre alasyzdar!
Источник: Aisha
