ASTANA QALASY ÓKILDIGI KÓKTAL MEShITINIŃ QYZDAR JÁNE JASTAR SEKTORY QAIYRYMDYLYQ ShARA UIYMDASTYRDY

Qazaqstan musylmandary dinı basqarmasy Astana qalasy ókildigine qarasty Kóktal meshitiniń qyzdar sektory men jastar sektorynyń uıytqy bolýymen qaıyrymdylyq sharasy ótti.

Shara “Kóktal” saýda ortalyǵynyń oıyn alańynda uıymdastyrylyp, az qamtylǵan 20 otbasynan shyqqan balalarǵa arnaldy. Balalarǵa kóterińki kóńil kúı syılaý maqsatynda oıyn-saýyq baǵdarlamalary uıymdastyrylyp, tátti taǵamdar men dámdi dastarhan jaıyldy.

Igi shara barysynda balalarǵa erekshe kóńil bólinip, olarǵa qýanysh pen meıirim syılaý — basty maqsattardyń biri boldy. Bul — meshit janyndaǵy sektorlardyń belsendiliginiń, qoǵamǵa degen janashyr kózqarasynyń kórinisi.

Kóktal meshitiniń ujymy aldaǵy ýaqytta da osyndaı qaıyrymdylyq sharalaryn turaqty túrde ótkizýdi jalǵastyrmaq.

Источник: Aisha