ASTANA QALASY ÓKILDIGI «JYLÝ SYILA» QAIYRYMDYLYQ AKTsIIaSYN ÓTKIZDI

Astana qalasynyń Bas ımamy Nurbek qajy Áýeshanulynyń basshylyǵymen «Zeket jáne qaıyrymdylyq» qorynyń «Jylý syıla» aktsııasy aıasynda kómekke muqtaj otbasylarǵa kómir taratyldy. Qaıyrymdylyq is-sharasy barysynda jalpy 45 tonna kómir úlestirildi.

Bas ımam qys mezgilinde árbir otbasynyń alańsyz qystap shyǵýy mańyzdy ekenin atap ótip, aktsııanyń jyl saıyn jalǵasyp kele jatqanyn jetkizdi. Sondaı-aq ıgi iske qoldaý bildirgen demeýshiler men kásipkerlerge, eriktilerge jáne jamaǵatqa alǵys aıtty.

«Qys mezgili kelip, kún sýytqan shaqta ár úıdiń jyly bolǵany, ár otbasynyń alańsyz qystap shyqqany biz úshin mańyzdy. Osy nıetpen búgingi ıgi isti uıymdastyryp otyrmyz. Sizder jalǵyz emessizder. Jandaryńyzda aǵaıyn bar, el bar, meshit bar. Biz de qoldan kelgenshe qol ushyn berýge, sizderge súıeý bolýǵa tyrysamyz», – dedi Nurbek qajy Áýeshanuly.

Aıta keteıik, «Jylý syıla» qaıyrymdylyq aktsııasy Bas múftı Naýryzbaı qajy Taǵanulynyń bastamasymen «Zeket jáne qaıyrymdylyq» qory aıasynda jyl saıyn uıymdastyrylyp keledi. Aktsııanyń negizgi maqsaty – qys mezgilinde áleýmettik qoldaýdy qajet etetin otbasylarǵa kómektesip, olardyń turmysyn jeńildetý.

Источник: Aisha