ASTANA QALASY ÓKILDIGINIŃ QAIYRYMDYLYQQA JAÝAPTY MAMANDARYMEN JIYN ÓTTI (FOTO)

QMDB «Zeket jáne qaıyrymdylyq» qorynyń jyldyq josparyna sáıkes Astana qalasy ókildiginde jaýapty mamandardyń qatysýymen arnaıy jıyn ótti.

Basqosýǵa Qazaqstan musylmandary dinı basqarmasy «Zeket jáne qaıyrymdylyq» qorynyń dırektory Maqsatbek Maqsotuly, qordyń bas esepshisi Toqjan Kenesaryqyzy, Astana qalasy boıynsha «Zeket jáne qaıyrymdylyq» baǵytyna jaýapty maman Orazbaı Nurbol, sondaı-aq Astana qalasy ókildiginiń bas esepshisi Qaırat Qasenov qatysty. Sonymen birge meshitter boıynsha jaýapty mamandar da jıynǵa qatysyp, ózara pikir almasty.

Jınalystyń negizgi maqsaty – aldaǵy qasıetti Ramazan aıyna daıyndyq jumystaryn pysyqtaý. Sonymen qatar árbir esepte muqtaj jandardan qabyldanatyn ótinishter men qolhattardyń mindetti túrde bolýy, olardy talapqa saı ári durys toltyrý tártibi túsindirildi.

Jıyn barysynda qaıyrymdylyq sharalaryn júıeli uıymdastyrý, eseptiń ashyqtyǵy men jaýapkershilikti kúsheıtý máseleleri talqylanyp, naqty tapsyrmalar berildi.

Источник: Aisha