ASTANA QALASYNYŃ BAS IMAMY «AQ MESHIT» MEShITINE BARDY (FOTO)
Astana qalasynyń jáne «Áziret Sultan» meshitiniń Bas ımamy Erbolat Júsipov elordadaǵy «Aq meshit» meshitine arnaıy at basyn buryp, ujymmen kezdesti.
Kezdesý barysynda Bas ımam meshittiń tynys-tirshiligin baqylap, din qyzmetkerleriniń jumys barysymen tanysty. Sondaı-aq, QMDB tarapynan kelip jatqan tapsyrmalardyń oryndalýyn qadaǵalaı otyryp, ımamdardy qyzmet barysynda belsendi jáne qyraǵy bolýǵa shaqyrdy.
Kezdesý aıasynda meshittiń aldaǵy josparlary, jamaǵatty dinı saýattylyqqa baýlý jáne aǵartýshylyq sharalaryn júıeli ótkizý máseleleri talqylandy. Sondaı-aq, Qazaqstan musylmandary dinı basqarmasy tarapynan bekitilgen barlyq baǵyttar boıynsha naqty tapsyrmalar pysyqtaldy. Qala bas ımamynyń qatysýymen ótken ujymdyq jıyn elordanyń basqa da meshitterinde jalǵasyn tabady.
