ASTANA QALASYNYŃ BAS IMAMY «ASTANA» MEDRESE-KOLLEDJINDE BOLDY (FOTO)
Astana qalasynyń Bas ımamy Erbolat Júsipov bastaǵan bir top ımamdar «Astana» medrese-kolledjine arnaıy baryp, jańa taǵaıyndalǵan dırektor Qanat Ońǵarbaevty qyzmetimen quttyqtady.
Jýyrda Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń buıryǵymen Qanat Ońǵarbaev atalmysh oqý ornynyń dırektory bolyp taǵaıyndalǵan edi. Osyǵan oraı Bas ımam oǵan ıgi tilegin jetkizip, Alladan berekeli qyzmet tiledi.
Qala bas ımamy dırektorǵa jańa basshynyń mindetin abyroımen atqaryp, oqý ordasynyń basqarý isin júıeli júrgizýine qolaıly jaǵdaı týǵyzý maqsatynda kádege jaraıtyn sý jańa kompıýter men zamanaýı prınterdi syıǵa tartty. Jıyn sońynda qatysýshylar jańa dırektorǵa sáttilik tilep, oqý ornynyń kelesheginen úlken úmit kútetinderin jetkizdi.
Aıta keteıik, «Astana» medrese-kolledji – elimizdegi din mamandaryn daıarlaıtyn irgeli oqý oryndarynyń biri. Munda shákirtter Quran ilimimen qatar, dástúrli Islam negizderin úırenip, zamanaýı bilim salalary boıynsha da tálim alady.
