ASTANA QALASYNYŃ BAS IMAMY DIN ISTERI BASQARMASYNYŃ BASShYSYMEN KEZDESTI

Astana qalasynyń bas ımamy Nurbek qajy Áýeshanuly Astana qalasy Din isteri basqarmasynyń basshysy Qaırolla Dúıseshulymen kezdesti. Basqosýǵa Saryarqa aýdanynyń din qyzmetkerleri qatysty.

Kezdesý barysynda Qaırolla Dúıseshuly Qazaqstan Respýblıkasynyń zańnamasyndaǵy din salasyna qatysty ózekti máselelerge toqtalyp, dinı qyzmetti júzege asyrý kezinde basshylyqqa alynatyn negizgi quqyqtyq normalardy túsindirdi. Sondaı-aq dinı birlestikterdiń qyzmetine qatysty zań talaptary men jaýapkershilik máseleleri jan-jaqty sóz boldy.

Kezdesý barysynda qala bas ımamy Nurbek qajy Áýeshanuly din qyzmetkerlerin zań talaptaryn qatań saqtap, qoǵamdaǵy turaqtylyq pen dinı kelisimdi nyǵaıtý jolynda jaýapkershilikpen qyzmet etýge shaqyrdy.

Jıynda dinı ádebıetter men dinı maqsattaǵy buıymdardy taratý jáne satý tártibi, shetelden dinı kitaptar men ózge de materıaldardy ákelýge qoıylatyn talaptar keńinen talqylandy. Sonymen qatar qoǵamda dástúrli dinı qundylyqtardy nasıhattaý, destrýktıvti dinı aǵymdardyń yqpalynyń aldyn alý jáne turǵyndardyń dinı saýatyn arttyrý baǵytyndaǵy jumystarǵa erekshe nazar aýdaryldy.

Imamdar ózderin tolǵandyrǵan quqyqtyq jáne praktıkalyq máseleler boıynsha saýaldaryn qoıyp, sala mamanynan naqty jaýaptar aldy. Sondaı-aq din salasyndaǵy memlekettik mekemeler men meshitterdiń ózara yntymaqtastyǵyn nyǵaıtý, zań talaptaryn túsindirý jumystaryn júıeli jalǵastyrýdyń mańyzdylyǵy aıtyldy.

Источник: Aisha