Astana qalasynyń bas ımamy meshit ujymymen tanysty

Astana qalasynyń bas ımamy bolyp taǵaıyndalǵan Nurbek Áýeshanuly “Áziret Sultan” meshiti ujymymen alǵashqy resmı kezdesýin ótkizip, meshit qyzmetkerlerimen júzdesti. Jyly ári taǵylymdy ótken jıynda ortaq mindetter men aldaǵy josparlar keńinen sóz boldy.

Sonymen qatar, Nurbek Áýeshanuly Qazaqstan musylmandary dinı basqarmasy Din men dástúr bóliminiń meńgerýshisi bolyp taǵaıyndalǵan Erbolat Júsipovti jańa qyzmetimen quttyqtap, aldaǵy jaýapty jumysyna sáttilik pen bereke tiledi.

Óz kezeginde Erbolat Nuryldauly ujymǵa shynaıy rızashylyǵyn bildirip, jańa bas ımamnyń qyzmetine tabys tilep, el ıgiligi jolyndaǵy bastamalaryna Alladan bereke surady.

Kezdesý barysynda qasıetti Qurban aıt merekesine daıyndyq jumystary jan-jaqty pysyqtalyp, aıt namazyn joǵary deńgeıde uıymdastyrý, qurban shalý rásimderin júıeleý, jamaǵatqa qolaıly jaǵdaı jasaý jáne qaıyrymdylyq sharalaryn úılestirý máseleleri talqylandy. Sondaı-aq, aqparattyq-túsindirý jumystarynyń mańyzdylyǵy aıtylyp, meshit qyzmetkerlerine birqatar naqty mindetter júkteldi. Jıyn sońynda el tynyshtyǵy men jurt amandyǵy úshin duǵa jasaldy.