ASTANA QALASYNYŃ BAS IMAMY QAZA BOLǴAN SARBAZDAR RÝHYNA DUǴA BAǴYShTADY

Astana qalasynyń bas ımamy Nurbek qajy Áýeshanuly «Áziret Sultan» meshitinde juma namazyna jınalǵan jamaǵatpen birge Aqtaý qalasynda áskerı oqý-jattyǵý kezinde qaza bolǵan sarbazdardyń rýhyna duǵa jasady.

Qala bas ımamy qaza bolǵan sarbazdardyń ata-analary men týǵan-týystaryna aýyr qazaǵa baılanysty sabyr tiledi.

Aıta ketsek, osynaý orny tolmas aýyr qazaǵa baılanysty Memleket basshysy Qasym-Jomart Kemeluly Toqaev búgingi kúndi «Jalpyulttyq aza tutý kúni» dep jarııalady. Osyǵan oraı el kóleminde qaza bolǵan azamattardyń rýhyna taǵzym jasalyp, olardyń otbasylaryna qoldaý kórsetilýde.

Qasıetti Quranda Alla Taǵala: «Árıne, senderdi qaýip-qater, asharshylyq jáne maldardan, jandardan, sondaı-aq ónimderden kemitý arqyly synaımyz. Sabyr etýshilerdi qýandyr. Qashan olarǵa bir qaıǵy jetse, olar: “Shyn máninde, biz Allaǵa tánbiz ári Oǵan qaıtýshymyz”, – dedi», – dep baıandaıdy («Baqara» súresi, 155–156-aıattar).

Источник: Aisha