ASTANA QALASYNYŃ BAS IMAMY «SÁDÝAQAS QAJY ǴYLMANI» MEShITINE BARDY (FOTO)
Astana qalasynyń jáne «Áziret Sultan» meshitiniń Bas ımamy Erbolat Júsipov elordadaǵy «Sádýaqas qajy Ǵylmanı» meshitine arnaıy baryp, meshit ujymymen júzdesti.
Kezdesý barysynda Bas ımam meshittiń jalpy tynys-tirshiligin baqylap, ımamdardyń qyzmetin jiti qadaǵalady. Sondaı-aq, QMDB tarapynan berilip jatqan tapsyrmalardyń oryndalý barysyn tekserip, ımamdardy qyzmette belsendilik pen qyraǵylyqqa úndedi.
Osy oraıda meshit janyndaǵy Áıel-qyzdar sektorynyń jumysy da nazardan tys qalǵan joq. Bas ımam áıel ustazdardyń jamaǵatqa dinı-aǵartýshylyq baǵytta atqaryp júrgen eńbegin atap ótip, qyz-kelinshekterge arnalǵan sabaqtar men tárbıelik sharalardyń júıeli túrde jalǵasýyna basa mán berdi.
Jıyn barysynda meshittiń aldaǵy josparlary, jamaǵatty dinı saýattylyqqa baýlý jáne aǵartýshylyq sharalardy júıeli uıymdastyrý máseleleri talqylandy. Sonymen qatar, Qazaqstan musylmandary dinı basqarmasy bekitken barlyq baǵyttar boıynsha naqty mindetter pysyqtaldy. Qala bas ımamynyń qatysýymen ótken osyndaı kezdesýler aldaǵy ýaqytta elordanyń ózge meshitterinde de jalǵasady.
Источник: Aidos
