ASTANA QALASYNYŃ BAS IMAMY «TAZA QAZAQSTAN» AKTsIIaSYNA QATYSTY

«Taza Qazaqstan» Ekologııalyq aktsııasy aıasynda Astana qalasynyń bas ımamy Nurbek qajy Áýeshanuly bastaǵan elorda ımamdary senbilikke qatysyp, tazalyq jumystaryna óz úlesterin qosty.

Qala bas ımamy tazalyqtyń mańyzyna toqtalyp: «Adamzat úshin eń qasterli uǵym – bul ana. Qazaq burynnan týǵan jerdi jer-ana dep qasterlep, qorshaǵan ortany baǵalaǵan. Aınalany taza ustaýdy, tabıǵatty aıalaýdy ımandylyǵymyzdyń bir kórinisi retinde qarastyramyz. Bizdiń babalarymyz «Bir tal kesseń, on tal ek», «Taza bolsa tabıǵat, aman bolar adamzat» dep sol sebepti aıtyp ótken. Qorshaǵan ortany aıalaý, taza ustaý – árbirimiz úshin amanat. Bıyl táýelsizdigimizdiń 35 jyldyǵy. Osynyń aıasynda Qazaqstan musylmandary dinı basqarmasy 35 000 túp aǵash otyrǵyzýdy josparlaǵan bolatyn. Bas múftı haziretimiz Naýryzbaı qajy Taǵanuly osy ıgi isti bastap bergen bolatyn. Búgin biz, elorda meshitteriniń ımamdary, osyny jalǵastyryp jatyrmyz», – dep atap ótti.

Senbilik Saraıshyq aýdanynyń qoǵamdyq keńistiginde uıymdastyryldy. Is-sharaǵa aýdannyń basqa da uıymdary men mekemeleriniń ókilderi, qoǵam belsendileri qatysty.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aisha