ASTANA QALASYNYŃ IMAMDARYNA ÝAǴYZ AITÝDYŃ ÁDEBI JAILY SEMINAR ÓTTI (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen elordalyq din qyzmetkerlerine «Ýaǵyz aıtýdyń ádebi» atty semınar ótti.
Semınardy QMDB Ýaǵyz-nasıhat bóliminiń meńgerýshisi Batyrjan Mansurov júrgizip, ımamdarǵa ýaǵyz aıtý mádenıeti, minber ádebi jáne jamaǵatpen durys qarym-qatynas ornatýdyń qyr-syrlary jóninde keńinen túsindirdi.
Basqosý barysynda ýaǵyzshynyń sózi men is-áreketiniń úılesimdi bolýy, din nasıhatynda danalyq pen meıirimniń róli, sondaı-aq qoǵamdaǵy ózekti máselelerdi kóterýdiń tıimdi tásilderi talqylandy.
Sonymen qatar, semınar qatysýshylaryna qazirgi aqparattyq zamanda ýaǵyz aıtý ádisterin jetildirý, jastarmen til tabysý jáne dinı saýattylyqty arttyrý joldary boıynsha naqty usynystar berildi.
Is-shara sońynda qatysýshylar ózara pikir almasyp, tájirıbelerimen bólisti. Semınarǵa belsendi qatysqan ımamdarǵa arnaıy sertıfıkattar tabystaldy.
Источник: Aidos
