«Astana» qyzdar medresesine demeýshilik jasaldy (FOTO+VIDEO)

Búgin Nur-Sultan qalasyndaǵy «Astana» medresesiniń Qyzdar bóliminde qýanyshty oqıǵa oryn aldy. Qazaqatsan Respýblıkasy jáne Ortalyq Azııa qurylysshylar Odaǵynyń prezıdenti Alman Jalǵas Kákimuly dinı oqý ordasyn arnaıy zııarat etip, qaıyrymdylyq kómegin usynyp qaıtty. 1 mln teńge kóleminde kórsetilgen qarjylaı kómek medrese qajetine jaratylatyn bolmaq.

Qurmetti qonaqty «Áljan ana» meshitiniń bas ımamy Ádilhan Imanáliuly ózi qarsy alyp, Qyzdar medresesiniń jaı-kúıimen tanystyryp shyqty. Aıta ketıik, qazirgi tańda Qyzdar medresesinde 20-ǵa jýyq shákirt bilim alý ústinde. Medrese qyzmetine úsh ustaz jáne bir tárbıeshi qamtylǵan. Sondaı-aq, tehnıkalyq qyzmetkerler quramy da bar. Dinı oqý ordasynyń oqý júıesi ornyǵyp, jumys barysy bir jolǵa túskenimen, janashyr azamattardyń qoldaýy qashanda qajet deıdi Ádilhan Imanáliuly.

Osy oraıda, Jalǵas Kákimulynyń aıtýynsha, aldaǵy ýaqytta Qazaqstan Respýblıkasy jáne Ortalyq Azııa Qurylysshylar Odaǵy «Astana» medresesiniń Qyzdar bólimine qamqorlyq jasap, qoldaý kórsetip turatyn bolmaq.

Sýretterdi «FOTOGALEREIa» aıdarynan kóre alasyzdar!