ASTANADA DINI OŃALTÝ BÓLIMINE JAÝAPTY MAMANDARDYŃ ESEP BERÝ JIYNY ÓTTI (FOTO)

Qazaqstan musylmandary dinı basqarmasy Astana qalasy ókildiginiń uıymdastyrýymen Elordadaǵy dinı ońaltý bólimine jaýapty mamandardyń esep berý jıyny ótti.

Sharaǵa QMDB Astana qalasynyń ókili, «Áziret Sultan» meshitiniń Bas ımamy Erbolat Júsipov, QMDB Dinı ońaltý bóliminiń mamany Islam Maratuly jáne ókildiktiń din qyzmetkerleri qatysty.

Jıynda QMDB Dinı ońaltý bóliminiń mamany Islam Maratuly jat aǵymnyń qoǵamǵa tıgizer zardaptary jaıynda aıta kele, adasýshylyqpen kúresý búgingi kúnniń eń ózekti máseleleri qatarynda ekenin tilge tıek etti. 

Sondaı-aq, dinı ońaltý salasyna jaýapty mamandardyń biliktiligin arttyrý, teris aǵym músheleriniń  ustazdarynyń senimdegi qatelikteri jáne destýrkıvti aǵymdaǵy adamdardy qalaı qaıtarý joldary teologııalyq negizderimen túsindirildi. Jáne de túzeý mekemelerinde ótip jatqan úgit-nasıhat jumystary, durys senimge bet buryp, raılarynan qaıtqan adasqan top ókilderi jaıynda aıtylyp, nátıjeli jumystardyń túıini tarqatyldy.

Источник: Aidos