ASTANADA DINI OŃALTÝ MAMANDARYNYŃ BILIKTILIGIN ARTTYRÝǴA ARNALǴAN SEMINAR ÓTTI
Astana qalasynda Qazaqstan Respýblıkasy Mádenıet jáne aqparat mınıstrligi Din isteri komıteti men Qazaqstan musylmandary dinı basqarmasynyń uıymdastyrýymen «Destrýktıvti dinı aǵymdardyń jaqtastaryn ońaltýdyń teologııalyq, quqyqtyq jáne áleýmettik erekshelikteri» taqyrybynda teologııalyq ońaltý sýbektileriniń kásibı biliktiligin arttyrýǵa arnalǵan eki kúndik semınar ótti.
Is-sharaǵa elimizdiń óńirlerinen Qazaqstan musylmandary dinı basqarmasynyń qyzmetkerleri, teologtar jáne dinı ońaltý salasynda jumys isteıtin mamandar qatysty.
Semınardyń negizgi maqsaty – destrýktıvti dinı aǵymdardyń yqpalyna túsken azamattarmen júrgiziletin teologııalyq ońaltý jumystarynyń tıimdiligin arttyrý, mamandardyń kásibı bilimin jetildirý jáne óńirlerdegi ońaltý jumysynyń tájirıbesin ózara sabaqtastyrý.
Semınar barysynda dinı ońaltýdyń teologııalyq, quqyqtyq jáne áleýmettik qyrlaryna qatysty ózekti máseleler keńinen talqylandy. Din isteri komıtetiniń basqarma basshylary men Qazaqstan musylmandary dinı basqarmasynyń qyzmetkerleri arnaıy baıandamalar jasap, taqyryp aıasynda dárister oqydy.
Baıandamalar barysynda destrýktıvti dinı aǵymdardyń aldyn alý, olardyń jaqtastarymen jeke jumys júrgizý, azamattardyń dinı saýattylyǵyn arttyrý, dástúrli dinı qundylyqtardy túsindirý jáne ońaltý úderisinde quqyqtyq ári áleýmettik tásilderdi tıimdi qoldaný máselelerine nazar aýdaryldy.
Sonymen qatar semınarǵa qatysýshylar mamandarǵa ózderin tolǵandyrǵan suraqtaryn qoıyp, pikir almasty. Óńirlerden kelgen teolog mamandar dinı ońaltý baǵytynda atqarylyp jatqan jumystardyń tájirıbesimen bólisip, praktıkalyq mysaldar usyndy.
Eki kúnge sozylǵan semınar qorytyndysynda qatysýshylar dinı ońaltý salasyndaǵy kásibı bilimderin tolyqtyryp, ózara tájirıbe almasyp, óńirlerdegi jumystyń tıimdiligin arttyrýǵa baǵyttalǵan birqatar mańyzdy máselelerdi talqylady.
