ASTANADA IMAMDARDYŃ BILIMIN JETILDIRÝGE ARNALǴAN SEMINAR ÓTTI

Búgin Astana qalasynyń bas ımamy Nurbek qajy Áýeshanulynyń basshylyǵymen «Sádýaqas qajy Ǵylmanı» meshitinde ımamdardyń bilimin jetildirý semınary ótti.

Semınardyń ashylýynda bas ımam alǵy sóz sóılep, ımamdardyń bilimin únemi jetildirip, dinı máseleler boıynsha biliktiligin arttyrýdyń mańyzdylyǵyna toqtaldy.

Jıyn barysynda QMDB tóraǵasynyń keńesshisi, Strategııalyq taldaý jáne damý bóliminiń meńgerýshisi Smaıyl Seıtbekov «Mázhabtardyń shyǵý tarıhy» taqyrybynda dáris oqydy. Lektsııada mázhabtardyń qalyptasý tarıhy men ıslam ǵylymyndaǵy orny týraly maǵlumattar berildi.

Kelesi kezekte QMDB Dinı ońaltý bóliminiń basshysy Danııar Kenjalın «Jańa ǵasyrdaǵy jat aǵymdar men uıymdar» taqyrybynda baıandama jasap, qazirgi kezeńdegi dinı aǵymdar men uıymdarǵa qatysty ózekti máselelerge toqtaldy.

Sondaı-aq QMDB «Ýaqyp» korporatıvtik qorynyń dırektory Azamat Ábdikerimuly «Ýaqyp sóziniń anyqtamasy» taqyrybynda dáris oqyp, ýaqyp uǵymynyń máni men mańyzy jóninde túsindirdi.

Semınar barysynda ımamdar ózderine qajetti bilimdi tolyqtyryp, dinı qyzmet barysynda kezdesetin ózekti máseleler boıynsha maǵlumattaryn keńeıtti.

Jıyn sońynda qatysýshylarǵa semınarǵa qatysqanyn rastaıtyn sertıfıkattar tabystalyp, estelik sýretke tústi.

Sýretterdi tolyǵyraq «FOTOGALEREIa» aıdarynan kóre alasyz!