ASTANADA «HALAL – ShARIǴAT TALABY» TAQYRYBYNDA SEMINAR ÓTTI
«Áziret Sultan» meshitinde elorda ımamdaryna arnalǵan «Halal – sharıǵat talaby» taqyrybyndaǵy semınar ótti. Jıyndy Bas ımam Nurbek qajy Áýeshanuly ashty, semınardy QMDB «Halal Damý» dırektory Aıbek Atashev júrgizdi.
Jıynda Bas ımam «Islam jáne adal qoǵam» jylyna oraı adaldyq, adal tabys pen adal nıet týraly kóp aıtylyp jatqanyn eske saldy. Kúndelikti asymyz ben tabysymyzdyń bári adal bolýy tıis ekeni qasıetti Quran men Paıǵambar ósıetinde anyq jazylǵanyn jetkizdi. Qazir jamaǵat sharıǵatqa saı adal as jeýge, adal ryzyq izdeýge umtylyp jatyr. Bul – nasıhat jumysynyń jemisi. Bas ımam ımamdardyń jamaǵatpen kezdesip, jıyndarda adaldyqty talmaı aıtyp júrgen eńbegin atap ótti.
«Jyl boıy jamaǵat arasynda qanshama nasıhat, ýaǵyz aıtyldy. Soǵan amal etip, jaqsylyqqa shaqyryp jatqan jamaǵattyń da qarasy molaıyp keledi. Aıbek myrzanyń osy halal salasyn damytýdaǵy jumystary eren» – dedi Nurbek qajy Áýeshanuly.
Aıbek Atashev «Halal tek taǵam emes – tańdaý mádenıeti» taqyrybynda baıandama jasap, halal jaı tańba emes, tutynýshyǵa berilgen ýáde ekenin, onyń shyn máninde amanat ekenin jetkizdi. Sondaı-aq QMDB Halal belgisiniń Qazaqstannan halyqaralyq keńistikke shyǵý baǵytyn tanystyryp, álemdegi halal belgileriniń úlgilerin kórsetti.














Источник: Aisha