ASTANADA MEShIT QYZMETKERLERI ARASYNDA VOLEIBOLDAN JARYS ÓTTI (FOTO)

02 jeltoqsan 2023 995 0
Оqý rejımi

«Sádýaqas qajy Ǵylmanı» meshitiniń uıymdastyrýymen QMDB-nyń Astana qalasy boıynsha ókildigine qasty meshit qyzmetkerleri arasynda voleıboldan jarys ótti.

Jarysqa «Aq munara» (Respýblıkalyq bas meshit), «Sultan» komandasy («Áziret Sultan» meshiti), «Qarashańyraq» («Sádýaqas qajy Ǵylmanı» meshiti men «Ár – Rahman» meshiti), «Minber» («Aq meshit» pen «Tólebaı» meshiti), «Turan» («Al-Fattah» jáne «Ál-ǵanı» meshitinen), «Alash» («Raısa ana» pen Kóktal meshiti), «Úmmet» («Ál-Farabı» meshiti men «Áljan ana» meshiti), «Saryarqa» («Yryskeldi qajy» meshiti men «As-Salam» meshiti) qatarly 8 komanda jarysqa túsip tartysty oıyn kórsetti.

Nátıjesinde, úsh komanda júzden júırik shyqty. Olar:  I oryndy «Sádýaqas qajy Ǵylmanı» meshiti men «Ár – Rahman» meshitinen quralǵan «Qarashańyraq» komandasy ıelendi. Al,  II oryndy «Aq meshit» pen «Tólebaı» meshitiniń qyzmetkerlerinen quralǵan «Minber» komandasy, III oryndy Respýblıkalyq bas meshittiń «Aq munara» komandasy aldy. 

Astana qalasynyń bas ımamy Erbolat Júsipov arnaıy qatysyp, din qyzmetkerlerin salaýatty ómir saltyn ustaný maqsatynda ótkizilgen is-sharanyń mán-mańyzyna toqtalyp, musylman qaýymy úshin sporttyń, densaýlyqtyń qadir-qymbaty aıyryqsha ekenin eske saldy. Qalanyń bas ımamy júldegerlerdi marapattap, syılyqtardy tabys etti.

Jeńimpaz komndalar arnaıy júldelermen jáne aqshalaı syılyqtarmen marapattaldy.


Pіkіrler Kіrý