ASTANADA RESPÝBLIKALYQ AQPARATTYQ-NASIHAT TOBYNA ÚMITKERLERMEN ATTESTATsIIa ÓTTI

Búgin Astana qalasynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly QMDB janyndaǵy Respýblıkalyq aqparattyq-nasıhat tobyna (RANT) úmitker din qyzmetkerlerimen kezdesti.

Kezdesý barysynda Bas múftı RANT qyzmetiniń mańyzdylyǵyna toqtalyp, dinı nasıhattyń qoǵamdaǵy rólin arttyrý, halyqpen jumys júrgizýde jaýapkershilikti kúsheıtý qajettigin atap ótti.

«Búgingi semınardyń basty maqsaty – RANT quramyn bilikti, bilimdi mamandarmen tolyqtyrý, onyń aıasyn keńeıtip, qoǵamdaǵy bedelin arttyrý. Allaǵa shúkir, RANT músheleri óńirlerde nasıhat jumystaryn júrgizip, birqatar aýqymdy ıgi ister atqaryp keledi. Búgingi attestatsııadan ótken áriptesterimiz RANT múshesi atanyp, Dinı basqarmanyń aıasynda saýapty da jaýapty amanatty birge atqarady. Sizderdiń aralaryńyzda ǵalymdar, ustazdar, tájirıbeli ımamdar bar ekenin jaqsy bilemiz. Árqaısyńyzdyń qoǵamdaǵy ornyńyz erekshe», – dedi Bas múftı Naýryzbaı qajy Taǵanuly.

Kezdesý aıasynda úmitkerlerdiń bilimi men tájirıbesi saralanyp, dinı-aǵartýshylyq qyzmettegi kásibı daıarlyǵy men jaýapkershiligine erekshe mán berildi. Sondaı-aq RANT múshelerine qoıylatyn talaptar, aldaǵy mindetter men nasıhat baǵyttary keńinen túsindirildi.

Aıta keteıik, Respýblıkalyq aqparattyq-nasıhat toby elimizde dinı turaqtylyqty nyǵaıtý, dástúrli ıslam qundylyqtaryn dáripteý, qoǵamdy rýhanı turǵydan saýattandyrý baǵytynda mańyzdy qyzmet atqaryp keledi.

​