Is-sharalynyń ashylýyna qatysqan QMDB Jastar isi sektorynyń meńgerýshisi Kópen Ádilet sporttyq dodaǵa qatysýshylarǵa sáttilik tiledi.
Osy sharaǵa arnaıy qatysqan «Áziret Sultan» meshitiniń I naıb ımamy Qanat Qydyrmın, QMDB-nyń I naıb múftıi, QMDB-nyń Astana qalasy boıynsha ókili, «Áziret Sultan» meshitiniń Bas ımamy Naýryzbaı qajy Taǵanulynyń sálemin jetkizdi. Sonymen birge is-sharanyń maqsaty jaıynda toqtaldy.
Sonymen qatar, Astana qalasy Din problemalaryn zertteý ortalyǵynyń basshysy Japal Dolıev te ashylý saltanatyna arnaıy qatysyp, sporttyq oıyndardyń mańyzyna toqtaldy.
Jarys erejesi boıynsha, 16-35 jas aralyǵyndaǵy 5 adamnan quralǵan meshit komandalary «Asyq atý», «Arqan tartý», «Gir tasyn kóterý», «Qol kúresi», «Ógiz tartys» qatarly atalymdar boıynsha saıysqa tústi. Sonymen birge, qyzyqty ótken «Sálemdesý», «Úı tapsyrmasy» qatarly aınalymdarda qatysýshylar ózderiniń ulttyq ónerleri men sporttyq erekshelikterin kórsetti.
Tartysty sport dodasy bes saǵatqa sozyldy. Qazylar alqasy baldyq júıemen toptyń belsendiligin baǵalap, shyn júırikti anyqtaýǵa den qoıdy. Ádil qazylardyń ortaq uıǵarymymen úzdik dep tanylǵan myna komandalar júldeli oryndarmen marapattaldy.
I oryn – «Áljan ana» komandasy («Áljan ana» meshiti)
II oryn – «Qyran» komandasy («Nur Astana» meshiti)
III oryn – «Sultan» komandasy («Áziret Sultan» meshiti)
Sondaı-aq, sporttyq oıyndar saıysynda jaqsy oıyn úlgisin kórsetken birqatar úzdik oıynshylar jeke-jeke marapattaldy. Jarysqa qatysyp, belsendilik tanytqan ózge toptarǵa arnaıy syı-sııapattar tabys etildi.
