ASTANADA SARAPShYLAR KEŃESINIŃ KEZEKTI MÁJILISI ÓTTI
Búgin Astana qalasynda Qazaqstan musylmandary dinı basqarmasy janyndaǵy Sarapshylar keńesiniń X kezekti májilisi ótti.
Jıynǵa QMDB Tóraǵasy, Bas múftı Naýryzbaı qajy Taǵanuly sondaı-aq, Qazaqstan Respýblıkasy Mádenıet jáne aqparat vıtse-mınıstri Rýstam Álı jáne sarapshylar keńesiniń músheleri qatysty.
Májilis barysynda Dinı basqarmanyń 2025-2026 jyldary atqarǵan jumystary týraly arnaıy daıyndalǵan beınerolık usynyldy. Sondaı-aq jıyn barysynda qoǵamdaǵy dinı turaqtylyqty nyǵaıtýdaǵy zańnamanyń mańyzy, QMDB-nyń ıslam qundylyqtaryna negizdelgen «Adal qoǵam» tujyrymdamasy, jasandy ıntellekt tehnologııalaryna negizdelgen «Imam AI» mobıldi qosymshasynyń jobasy jáne Qazaqstandaǵy ıslam qarjy sektorynyń damý múmkindikteri taqyryptarynda baıandamalar jasaldy.
Sonymen qatar jıyn aıasynda sarapshylar tarapynan mańyzdy suraqtar qoıylyp, qatysýshylar ózara pikir almasyp, kóterilgen máseleler tóńireginde oı-pikirlerin ortaǵa saldy.
Májilis qorytyndysy boıynsha usynystar jınaqtalyp, aldaǵy jumys josparyna engiziletin boldy.
